:: روحــانية قلب ::

Sunday, December 02, 2007

:: وطني أنا ,, أنا وطني ::

السلام عليكم ورحمة الله وبركاته

شحالكم؟؟

وحشتوني كثير

مايصير يمر على بلادي يوم زي هذا وما يكون لي بصمة فيه
اليوم الثاني من ديسمبر تاريخ مهم في حياة كل اماراتي

اليوم تحتفل فيه الامارات بالذكرى السادسة والثلاثين على الاتحاد

شعور قمّة في الروعة

الشوارع مزينه

والناس كاشخين

اللي ماسكين أعلام الدولة

والأطفال راسميين على وجوههم

والكل يغني أحلى الأغاني الوطنية

من الصغير للكبير

احساس رائع

والأروع من هذا كله

الجو سبحان الله

يبعث في النفس الراحة والشعور بالأمان

الصورة اللي فوق

كانت كيكة احتفال في الدوام بمناسبة هالذكرى

شعور حلو والكيكة أحلى

أما هالصورة كانت من مظاهر المسيرة اللي بدت من تاريخ ثلاثين نوفمبر وراح تستمر لين اليوم
صحيح رحنا بدايتها مع الوالد بس عشان نحس بمظاهر الاحتفال
وماكملناها لين اخرها والحمدلله مادري متى كنا بنرجع ههه

بس حبيت الجملة نحن روح الاتحاد

واللي كانت من قبل وزارة الثقافة والشباب وتنمية المجتمع

كل عام وإنتي بألف خير يا إماراتي

أحاسيس رائعة لما مقيمين في الدولة يحتفلون معانا

لما مقيمين في الدولة يتصلون على البرامج ويهنئون

لما مكالمة خارجية من دول مجلس التعاون تتصل وتهني وتبارك

شعور رائع والله

عسى الله يرحمك يابابا زايد يا باني الاتحاد

وعسى الله يحفظ لنا شيوخنا

قولوا آمين

Posted by عيون الحب :: 11:33 AM :: 9 Comments: