:: روحــانية قلب ::

Friday, April 06, 2007

:: طبق خيــــر ::

.. السلام عليكم

.. من زمان عن بلوقي العزيز والله

.. وحشني كثير ووحشوني زواره والله

.. بس لأني آخذ كورس توظيفي فـ نوعا ما ماخذ كل وقتي

المهم من أسبوعين درسنا عن الصدقة بالانجليزي واقترحنا نسوي طبق خير..

.. وبعد مشاورات ومناورات اخترنا جمعية الشارجة للخدمات الانسانية للمعاقين

.. هالجمعية ترعى أكثر من 2000 معاق من مولدهم لسن ال25 ومن جميع الجنسيات الموجودة في الدولة

.. وجد استمتعنا ونحن نجهز لهاليوم وصورت بعض الصور بس عالسريع يعني مب هذيك الجودة لوول

.. كنا في بداية الطاولة حاطين تمر وقهوة عربية من باب الضيافة وعشان نعّرف الناس حق شو هالطبق

.. جانب من الطبق

ترى الصورة بالعرض من بداية الطاولة لين نهايتها

ميلوا راسكم عشان تفهمون الصورة كاااك

.. كانت فكرتنا انه الشخص ياخذ كثر ما يبي ويدفع كثر ما يبي ..
يعني ما كان بيع بمعنى البيع > حلوة الجملة لوول
.. المهم اننا الحمدلله جمعنا تقريبا 3300 درهم اماراتي
.. وقررنا ان شاء الله نروح بأنفسنا لين عندهم ونسلمهم المبلغ ومنها نشوف الجمعية وكيف يتم الاهتمام بالمعاقين
.. بس لين الحين ما طلعت الموافقة عالرحلة
.. دعواتكم رجاءا .. من خاطرنا نبي نروح
::

::
مقررين نسوي عرض تقديمي للجمعية وعن كيف بدت الفكرة وكيف اخترناهم وشو سوينا عشان ننجّح هالفكرة
.. وبعد نشوف المعاقين ونوقف معاهم ونحسسهم انهم مثلنا والاعاقة مب نهاية الحياة
.. ان شاء الله ان صار ورحنا ما ببخل عليكم بالصور اذا مسموح
.. واسمحولي هالغيبة بس والله على بالي انتوا وياريت اكون على بالكم انا بعد

Posted by عيون الحب :: 4:50 PM :: 5 Comments: