:: روحــانية قلب ::

Wednesday, November 07, 2007

:: Post-it Notes ::

السلام عليكم ورحمة الله وبركاته
اليوم عندي لكم برنامج ظريف ولطيف
سهل وكثير مفيد

عرفته من سنتين تقريبا وكثييير استفدت منه
البرنامج عبارة عن

Notes

أو ملاحظات للتذكير بأمور كثيرة
تستخدم في سطح المكتب مثل ما الصورة موضحة لكم

ملاحظة: الصور كلها تتكبر

هذي صورة للديسك توب مالي حاطه فيه لستة أدعية أحب اقولها دايما
بس ايام الكلية كنت استخدم البرنامج للتذكير بالامتحانات او تسليم البروجكتات ووو

خلوني أشرح لكم كيفية عمل البرنامج ولو انه جدا سهل ما يحتاج تعليم
بعد ما تنزلون البرنامج راح يظهر عندكم في اللستة تحت في الكمبيوترجنب الساعة والمسن والى اخره .. نفس الصورة اللي تحت

اذا دقيتوا على شكل الورقة الصفرا بـ يسار الماوس راح يطلع لكم نوت جديد
اما اذا دقيتوا باليمين راح تطلعلكم الادوات الثانية مالت البرنامج
خلونا نبدا بـ يسار الماوس والنوت الجديد

بعد ما يطلع النوت الجديد الأصفر الموضح في الصورة
نضغط على اقصى اليسار عشان نبدا نشوف خصائصها

وأول شي نبدا بالألوان .. يتميز البرنامج بـ عدد من الألوان اللي نقدر نختارها للنوت
ننتقل للتاب الثاني وهو الخطوط

مثل أي برنامج الخطوط شي مهمه فيه
في هالصفحة نقدر نختار نوع الخط ومكانه ولونه والحجم وخصائص متعلقة بالخطوط
ننتقل للتاب الثالث الصور

نقدر نضيف اي صورة للنوت في هالبرنامج بالطريقة الموضحة في الصورة
في المستطيل الاحمر اللي فوق في زرّين
واحد لاختيار الصورة وواحد لحذفها
وعلى يسار الصورة وضحت بالدائرة الحمرا تواجد الصورة اللي اخترتها من ملف الصور اللي عندي
واخيرا ننتقل لآخر تاب اللي هو المنبه

الحلو في هالصورة انك تقدر تحط منبه يدق في الوقت اللي تبي تذكر فيه الشغله
اهم شي تتأكد انه الصح موجود عند صورة الساعة عند المربع الأحمر
والمستطيل الثاني عند الساعة 3 هناك تحدد الوقت اللي تبي المنبه يصيح
والمربع الاخير في حال تريد الساعة تدق أكثر من مرةوتذكرك بالنوت,, تحط صح وتحدد كل كم يريده يتكرروفي النوت في اليسار تلاحظون صورة الساعة محوطة بدائرة حمرا

وهالصورة توضح الساعة حمرا معناته انه الساعة صاحت وخلصت

ننتقل لشي جديد من لستة خصائص النوت

وطبعا شي مهم اللي هو حذف النوت بعد الانتهاء منه

بنفس الطريقة الموضحة في الصورة نقدر نحذف النوت
ونصيحة خلوا الصوت مشغّل عندكم لأنه حده الصوت حلو لما ينحذف النوت لوول
انا احيانا من الملل احط نوت جديد واحذفه واحط واحذف واستمتع بالصوت هههه

في شغله ثانية حلوة بعد لازم تعرفونها وهي انه نقدر نصغّر النوت للخصوصية وهالشي يصير بالضغط على اقصى اليسار للنوت بس بالكليك اليمين مب اليسار

بعد الضغط عليها راح تطلع بهالصورة

Always on Top
في اللستة اللي قبل تخلي النوت دايما فوق اي صفحة او موقع انت فاتحه
وانتوا لكم حرية الخيار تختارونه او لا

ننتقل للكليك اليمين في هاللسته واللي تظهر ادوات النوت

للخصوصية بعد ممكن نستفيد من هالشغلة
اذا كان سطح المكتب فيه نوتات كثيرة
وودك في لحظة وحده تخفيهم كلهم
تقدر تختار
Hide all desktop notes
راح يختفون كلهم مرة وحدة
بس لا تخاف ماراح ينحذفون

وتقدر ترجعهم بنفس الطريقة
بس بالضغط على
Restore Desktop Notes

في اللستة نفسها
Preferences and Help
بيساعدونكم في شغلات كثيرة ممكن ما تفهمونها
هذي اهم الشغلات اللي شرحتها لكم
ممكن تتعلمون شغلات انا ماتعلمتها لو قريتوا اكثر فيهم

واخيرا هذا هو البرنامج وحجمه صغير وبسرعة يتحمل
اسم البرنامج
Post it Notes
وحجمه
1.96 MB

http://upload.9q9q.net/file/ppoa31IJF7z/pn21lbus.zip.html-Accounting.html

أمانة: لا تستخدمون البرنامج للتذكير بـ برامج غنائية

أو شغلات تذكّركم لها .. فيها إثم لي أنا

Posted by عيون الحب :: 11:10 PM :: 10 Comments: