Post a Comment

Wednesday, November 07, 2007

اذا دقيتوا على شكل الورقة الصفرا بـ يسار الماوس راح يطلع لكم نوت جديد
اما اذا دقيتوا باليمين راح تطلعلكم الادوات الثانية مالت البرنامج
خلونا نبدا بـ يسار الماوس والنوت الجديد

بعد ما يطلع النوت الجديد الأصفر الموضح في الصورة
نضغط على اقصى اليسار عشان نبدا نشوف خصائصها

وأول شي نبدا بالألوان .. يتميز البرنامج بـ عدد من الألوان اللي نقدر نختارها للنوت
ننتقل للتاب الثاني وهو الخطوط

مثل أي برنامج الخطوط شي مهمه فيه
في هالصفحة نقدر نختار نوع الخط ومكانه ولونه والحجم وخصائص متعلقة بالخطوط
ننتقل للتاب الثالث الصور

نقدر نضيف اي صورة للنوت في هالبرنامج بالطريقة الموضحة في الصورة
في المستطيل الاحمر اللي فوق في زرّين
واحد لاختيار الصورة وواحد لحذفها
وعلى يسار الصورة وضحت بالدائرة الحمرا تواجد الصورة اللي اخترتها من ملف الصور اللي عندي
واخيرا ننتقل لآخر تاب اللي هو المنبه

الحلو في هالصورة انك تقدر تحط منبه يدق في الوقت اللي تبي تذكر فيه الشغله
اهم شي تتأكد انه الصح موجود عند صورة الساعة عند المربع الأحمر
والمستطيل الثاني عند الساعة 3 هناك تحدد الوقت اللي تبي المنبه يصيح
والمربع الاخير في حال تريد الساعة تدق أكثر من مرةوتذكرك بالنوت,, تحط صح وتحدد كل كم يريده يتكرروفي النوت في اليسار تلاحظون صورة الساعة محوطة بدائرة حمرا

وهالصورة توضح الساعة حمرا معناته انه الساعة صاحت وخلصت

ننتقل لشي جديد من لستة خصائص النوت

بنفس الطريقة الموضحة في الصورة نقدر نحذف النوت
ونصيحة خلوا الصوت مشغّل عندكم لأنه حده الصوت حلو لما ينحذف النوت لوول
انا احيانا من الملل احط نوت جديد واحذفه واحط واحذف واستمتع بالصوت هههه

في شغله ثانية حلوة بعد لازم تعرفونها وهي انه نقدر نصغّر النوت للخصوصية وهالشي يصير بالضغط على اقصى اليسار للنوت بس بالكليك اليمين مب اليسار

بعد الضغط عليها راح تطلع بهالصورة

Always on Top
في اللستة اللي قبل تخلي النوت دايما فوق اي صفحة او موقع انت فاتحه
وانتوا لكم حرية الخيار تختارونه او لا

ننتقل للكليك اليمين في هاللسته واللي تظهر ادوات النوت


للخصوصية بعد ممكن نستفيد من هالشغلة
اذا كان سطح المكتب فيه نوتات كثيرة
وودك في لحظة وحده تخفيهم كلهم
تقدر تختار
Hide all desktop notes
راح يختفون كلهم مرة وحدة
بس لا تخاف ماراح ينحذفون

وتقدر ترجعهم بنفس الطريقة
بس بالضغط على
Restore Desktop Notes


في اللستة نفسها
Preferences and Help
بيساعدونكم في شغلات كثيرة ممكن ما تفهمونها
هذي اهم الشغلات اللي شرحتها لكم
ممكن تتعلمون شغلات انا ماتعلمتها لو قريتوا اكثر فيهم

واخيرا هذا هو البرنامج وحجمه صغير وبسرعة يتحمل
اسم البرنامج
Post it Notes
وحجمه
1.96 MB

http://upload.9q9q.net/file/ppoa31IJF7z/pn21lbus.zip.html-Accounting.html

أمانة: لا تستخدمون البرنامج للتذكير بـ برامج غنائية

Posted by عيون الحب :: 11:10 PM :: 10 Comments:

Post a Comment

---------------------------------------

Sunday, November 04, 2007

:: عنـــاق ::

عندما عانقتك في تلك اللحظة

أحسست بسعادة غمرتني

تمنيت حينها لو الزمن توقف

فأضمك إلى صدري بشدة

وأحمل على عاتقي همومك وأحزانك

لأرى الابتسامة على شفاهك مرسومه دوما

ثم أمسك قلبك وأطبع عليه حروف اسمي فقط

لأصبح أنا الملكة الوحيدة المتوجة على عرش قلبك

ولكن فجأة استيقظ لأدرك أن الزمن لا يتوقف

وأني لست المخوّله لحمل تلك الهموم

وأن العرش يتوج لأكثر من ملكة

وأني أعيش أحلام اليقظة

::
::

كتاباتي سابقا بتاريخ
5\10\2003

Posted by عيون الحب :: 12:58 AM :: 15 Comments:

Post a Comment

---------------------------------------

Friday, November 02, 2007

:: حلم ولكن ::

عشرين سنه من عمري وأنا أحلم بـ نفس الحلم
وأعد اليوم عقب اليوم على أمل تحقيقه
مرت سنة وبعدها سنين وكل مال الحلم يكبر
حلمي بس كان إني أشوفه بـ عيني الثنتين
ملامحه.. صوره .. صفاته ,, كلها في كتاب
كلامه.. أفعاله.. أخلاقه ,, ينحسب لها حساب
طيبته كانت تغرّق السكّان
حنّيته كانت تفرّح الأيتام
قلبه شو أقول عن قلبه؟!
قلبه كان يتسع حتى للغلطان
حبه انزرع في قلب كل انسان
مريضنا .. من نذكره يبتسم حتى وهو تعبان
صغيرنا .. من نذكره يدعيله وإن كان مب فهمان
فقيرنا .. من نذكره .. يغنيه
ويتيمنا .. من نذكره .. يفديه
وأنا من أذكره أقول متى ربي بيجمعني فيه؟
هالشخص هذا ماله مثيل
هالشخص هذا قلبه كبير
صغير وكبير .. فقير وغني
يتيم ومريض .. صاحي ومجنون
ووو .. كلهم يحبونه

بعد عشرين سنه تحقق حلمي واجتمعت فيه
بس !!
للأسف ماكان هالحال اللي تمنيته
لإني اجتمعت به وهو تحت الثرى

زايد طيّب الله ثراك وأسكنك فسيح جناته

::
::

هالكلمات كتبتها بعد وفاة الشيخ زايد الله يرحمه بـ سنه وحدة
بعد ما رحت شفت قبره في المسجد لمّا قالوا إنه يجوز زيارته كون أنه مو في مقبرة
والله أعلم

2\11\2004
واليوم هي الذكرى الثالثة لـ وفاته
وفي شهر رمضان المبارك

Posted by عيون الحب :: 2:43 AM :: 15 Comments:

Post a Comment

---------------------------------------