:: روحــانية قلب ::

:: اشتياق ::

البطالة لصقتني لصقة قوية بالتلفزيون

يومي كله يتخلله ثلاثة مسلسلات عربية ومسلسل اجنبي

غير لو حبيت اتابع فيلم في فترة العصر اذا كان الملل حايشني او خلصت من تدريس اخوي الصغير من وقت

بس هاليومين غيرت اشوي في الخطة

صرت اتفرغ فترة العصر للمطبخ

كل يوم طبخة شكل وسويت شكل ثاني

محاولاتي الحمدلله مب فاشلة ومب متقنة مية بالمية طبعا لوول

بالرغم من كذا ما اصدق متى يجي يوم الخميس والجمعة

بالرغم من انهم مب اجازتنا الرسمية في الامارات

بس هي الاجازة الرسمية للمسلسلات اللي اتابعها لوول

لاني عن جد حسيت اني فقدت أشياء كثيرة خلال هالفترة

ما اريد اطلع من البيت عشان ما يطوفني المسلسل

ما اتكلم بالتيلفون واي احد يدق ما ارد عليه عشان ما يخرب علي

بالرغم من انه قعدتي للمسلسلات لمت شمل العايلة كلها

الا اني احس اني مفتقدتهم

انا اول من قرر اتابع المسلسل ما اشوف الا ابوي وخواتي وحتى حرمة اخوي قاعدين معاي لوول

وتحلى السوالف وقت الاعلانات

ويسود الصمت وقت عرض المسلسل

وكلنا نكره تيلفون البيت لما يدق لووول وكل وحدة تقعد تهزأ الثانية عشان ترد عليه

بس مع هذا كله

احس اني اشتقت للقعدة بيني وبين نفسي

من اصحى لين انام ما احس اني اختلي بنفسي

جدولي صار غدا، مسلسل، تدريس اخوي، مطبخ، مسلسل، مسلسل، راحة ساعة وعادة امشي فيها، مسلسل، تدريس امي لين ارقد لوول

زحمة دنيا زحمة كيكيككي

حبيت اقول انكم وحشتوني ووحشني كل شي بعيد عن التلفزيون لوووووول

ما يندرى عاد اشتقتولي ولا !!

Posted by عيون الحب :: 3:01 PM :: 11 Comments: