في مراحل دراستنا من الروضة للجامعة
قابلنا الكثير من الأصدقاء
الذين شاركونا قسم من حياتنا بأفراحها وأتراحها
في كل مرحلة حبينا ناس وكرهنا ناس
وقابلنا ناس وفارقنا ناس
::
::
في الابتدائية كانت عندي صديقة صدوقة
كانت معاي في كل خطوة اخطيها
عاشت صداقتنا من أول ابتدائي لين ثاني اعدادي
كنا وقتها نتكلم كل يوم تقريبا ونتبادل الزيارات
حتى اني عرفت امي على امها وصرنا نتزاور
في ثاني اعدادي رسبت فصرت انتقل لمرحلة اعلى بدونها
في هذيك المرحلة تعرفت على غيرها كثير
بس علاقتي فيها ظلت مثل ماهي لين ما بدت مع الايام تقل
خاصة لما ماصرنا ندرس في نفس المدرسة
::
::
في الثانوية تعرفت على غيرها
علاقتنا كانت كثير اوكي
كنا في نفس الصف وووو
صارت مشاكل بينا وتعرفت على غيرها
وكنا اوكيك لين سرت الكلية
مع الايام وبسبب اختلاف العمر بينا
ما صرنا نشوف بعض وخفت الاتصالات
وعلاقتي صارت محدودة مع بنات الكلية
وخاصة مع اللي حواليني طوال الوقت
::
::
اللي اريد اقوله ليش؟؟
ليش نتواصل مع اللي دايما محيطين فينا
نسولف معاهم دايما ونشوفهم دايما
ويعيشون تفاصيل حياتنا بالتفصيل الملل
بالرغم من انهم مب شرط يكونون الأغلى بالنسبة لنا
::
::
يعني صديقة الطفولة وصديقة الثانوية واللي بعدها واللي بعدها
كلهم موجودين في حياتي والحمدلله
ولكن ما يعيشون تفاصيل حياتي مثل اللي حواليني الحين!!
يعني اللي عندي في نفس المكان اللي انا فيه تعرف كيف صارلي الشي الفلاني
اللي أغليها ووجودها مهم في حياتي تعرف شو اللي صار بس من غير تفاصيله
::
::
اشتاق لوجودهم حولي واحبهم
بس من يصير شي له علاقة باللي حولي افضل اكلمهم اكثر
ما اشوف نفسي اتصل عليهم لانه تعب وصعب احكيلهم السالفة من بدايتها
غير عن اللي عاشوا بداية احداثها معاي
::
::
في الفترة الاخيرة احس نفسي أميل للوحدة
ما احس اني اشارك احد شي
يمكن لأنه حاليا مافي احداث في حياتي؟؟
بس اللي اشوفه انه مافي اتصالات لا من جهتي ولا من جهتهم
احس بشوق تجاههم بس يا ما احصل الرغبة في الكلام معاهم
لأنه لازم الكلام بيكون مطول
او الوقت ما يسعفني اتصل فيهم
خاصة اني ما أحن لهم إلا اخر الليل لول
::
::
احس اني تكلمت كثير
بس فهمتوني ؟؟
وشو رايكم في اللي قلته؟؟
يضايقكم مثل ما يضايقني؟؟