:: روحــانية قلب ::

:: Back To School ::

السلام عليكم

شحالكم

مع بداية رحلة العودة للمدارس

بدا الهم والنكد والطفر وكل شي

صحيح اني انتهيت من دراستي العام

وكأي خريجة تطمح في وظيفة

لقيت وظيفة مو انا اللي سعيت لها

هي اللي ركضت وراي ولزقت فيني

من انتهيت دراسة من هنا

توليت أمر تدريس اخوي الصغير

اخوي صف ثالث ابتدائي الحين

صرت مدرسته الخصوصية بس بدون راتب لوول

واخوي المدلل في البيت وكلمته عالعين والراس

وامي وابوي اللي يهداهم معطينه على كيفه

وهو ماصدق على الله احد يسويله سالفة

من ابدأ امسك الورقة والقلم معاه

الجيران كلهم يعرفون

والسبب صراخي عليه والضرابة اللي تصير بينا

هو عنيد ومدلل وانا اريد كل شي يخلص بسرعة

والله انه يرفع الضغط عندي ماتتخيلون اشكثر

وظيفة لازمتني واريد الخلاص منها بأي طريقة

بس رضا امي وابوي اكبر من اني اتخلص منها

افكر ادور له على مدرّسة وادفع من جيبي بس عشان اتخلص منها لوول

بس حبيت اقولكم انه لو شفتوا مووودي مش ولا بد

ومزاجي تعبان

والنفسية زفتة

والحالة عفيسه

والصوت صار عالي

اعرفوا انه هالاعراض كلها سببها اخوي

وكلها كلها بسبب تدريسي له

حالتي كسيفة صح

الحين بروح اصادقه مرة ثانية مثل كل سنه دراسية

وبلعب بعقله اشوي

وبقص عليه بكلمتين

وبحدد ساعات دراسته

وساعت لعبه وكل شي

بس عشان يسمع كلامي

ونرتاح نحن الاثنين

دعواتكم القلبية لي في هالمعركة

والله جهاد نفسي وعصبي وجسدي مع هالأخ المدلل

الصورة من تصويري والكتب كتب الأخ المدلل

صورتها بعد ماكتبت اسمه في الطوابع قبل التجليد طبعا

Posted by عيون الحب :: 5:48 PM :: 31 Comments: