.. صرت اكره اروح اعراس لأسباب كثيرة
.. وحبيت فكرة اني اروح متأخرة وأرجع بسرعة
.. يعني أروح قبل ما تنزف العروس باشوي وأطلع بعد ما يزفونها باشوي
.. يادوب اقعد ساعة تقريبا
.. ندخل في الموضوع

.. في حالي قاعدة لا لي ولا علي
.. اطالع الناس والبنات يرقصن
.. صار وقت العشا
.. شليت كرسيي وقعدت على هالطاولة
.. محد فيها غيري انا واختي الصغيرة
.. وانضمن ثلاث حريم كبار اشوي

.. وحدة منهن ما عندها كرسي
.. اتبرعنا بكرسي من عندنا وقعدنا انا واختي في كرسي واحد
.. في حالنا ناكل هاللقمتين وبكل هدوء
.. اشوي وحدة فيهن تسألني

هي: انتي بنت مين؟
أنا: بنت فلان الفلاني
هي: اهااا انتي بنت فلانة
أنا: إي
هي: عيل أمج وين؟
أنا: مسافرة
هي: وين؟
أنا في خاطري وش هالفضول
أنا: السعودية
وسألتني بعد كم سؤال زيادة

.. المشكلة لما اروح عند امي واقولها السالفة
.. تقولي تعرفين الحرمة
.. انا طبعا اقولها لا
.. تهزأني أمي حرمة تسأل عليج ماتعرفينها اسأليها انتي مين
.. أنا اقولها مستحيل أسأل استحي
.. تقولي مافيها شي سألت عنج قوليها اني مين
.. قلتلها انا اكره لما تسألني الحرمة اقوم انا اسألها

.. اللي رحمني في الموضوع انه ربيعتي اللي عشانها حضرت العرس
.. جت عندي بعدها باشوي وشفتها تسولف مع نفس الحرمة
.. ساعتها تطمنت قلت الحمدلله ماراح احصل تهزيئة من امي لوول

.. موقف ثاني
.. رحت عرس ومن الزحمة صار وقعدت انا وخالتي جنب مرة كبيرة
.. ومن نظراتها حسيت انها بتسألني انتي بنت مين
.. واحساسي ماخاب

هي: انتي بنت مين؟
أنا: بنت فلان الفلاني
هي: وأمج مين؟
أنا: فلانة الفلاني

.. اللي لفتها في الموضوع انه المرة ماخذه واحد من نفس قبيلتي
.. شافتها فرصة تبي تعرف بالضبط انا من بنته

..هي: انا زوجي من نفس قبيلتكم
..أنا: سكتت
..هي: تعرفين فلانة وفلانة.. اختهم ماخذه بعد من قبيلتكم
أنا (ماحضرتني الاسماء ساعتها): امممم لا
.. هي: سكتت

.. اشوي تذكرت امي وقلت بحصل تهزيئة
.. يعني لو غريبة مب مشكلة
.. لا مننا وفينا لازم اعرف من هذي المرة

.. أنا: انتي من ماخذه من قبيلتنا
.. هي: تعرفين فلان الفلاني .. انا حرمة ابن اخوه
.. أنا (الحمدلله اعرف الشخص ولا كان رحت فيها): اي اي عرفته
.. هي: طيب تذكرت اسم اللي بسألج عنها اسمها فلانة وحرمة فلان الفلاني
.. أنا ضحكت : هي هالفلانة جدتي لووووول

.. الحرمة كانت تطري خوات جدتي وانا ماحضرتني اسمائهم لوول
.. لأني ماعرفهم ومب ساكنين عندنا من جي راحوا من بالي لوول

.. اليوم أقول لأمي السالفة
.. أنا: في وحدة سألتني انتي بنت مين في العرس من يومين
.. أمي: وعرفتي من هي لووووول
.. حتى قبل ما تسألني عن الحوار كامل لووول
.. بس استانست علي لما شافتني اعرف

شو هالفضول في هالعجاوز؟
.. يعني والله صرت أكره أروح أو أقعد جنب حرمة بسبب هاللقافة
.. يعني ياريت لقافة منها فايدة
.. لا بس اشباع فضوووووووول

.. وأخس شي انه الجرأة ما تجيني وأسألها انتي مين
.. أحس فششششلة أسأل حرمة انتي مين

تصير فيكم هالمواقف؟؟
وشو تسوون حزتها؟؟