:: روحــانية قلب ::

:: يوم رائع في حياتي ::

دائما احلم يكون يومي حلو

اكيد الواحد ماراح يكون سعيد طول عمره

فالدنيا فيها الحلو وفيها المر

بس اللي اقصده

اني اتمنى اعيش يوم نفس ما اخطط له

يعني كل دقيقة في هاليوم استمتع فيها ومخطط لها

صحيح بيكون نوعا ما ممل

بس اريد استمتع بكل شي اسويه

سواء كان مخطط له او مفاجئ

دايما لما احط راسي بنام

افكر كثييير في يومي اللي قضيته

واقول هالشي ماكان لازم يصير وهالشي مادري اشلون صار

واقعد اخطط لساعات والله واقول خلاص لازم من باجر ابدا اسوي هالشي

واغير هالشي واتعلم هالشي

بس اللي دايما نيقصني شيئين

الدافع والارادة

وعقب ضحكت على نفسي وقلت

الحين انا اخطط لأشياء اشوي كبيرة

وفي اشياء صغيره ما فكرت فيها

كيف اتوقع اني بنجح او بسوي الشي الكبير

اذا ما قدرت اتغلب عاللي اصغر منه؟؟

من جي قررت وشفت الاشياء الصغيرة اللي في حياتي اريد اغيرها

وقلت بعلم نفسي اتغلب على الاشياء الصغيرة

ومنها بستمد قوتي وارادتي عشان اتغلب عالاشياء الاكبر

والحمدلله بديت اتغلب على عادة

وفي طريقي للعادة اللي بعدها

ان شاء الله مع الايام بكون من حسن لأحسن

وان شاء الله يجي اليوم اللي اقول فيه

"اني قضيت يوم رائع في حياتي"

دعواتكم

Posted by عيون الحب :: 10:57 PM :: 7 Comments: