:: روحــانية قلب ::

Wednesday, May 23, 2007

:: Mix ::

السلام عليكم ورحمة الله وبركاته
مادري اذا شفتوا موضوعي حمدلله على سلامتنا
كان مشواري للعين بسبب حفل تخرجي اللي لين الحين ماصار لوول
المهم خواتي قبلها بيوم فاجؤني بهدية التخرج
حزتها انا كنت مندمجة ألعب كرة قدم عالبلاي ستيشن
لا ومتفسلفة طالبة من خالي يعلمني اسرار اللعبة لوول
وما اشوف الا هالهدية وراي خاشينها
صدق استانست حزتها لأني صدق كنت محتاجة لموبايل غير اللي عندي
ووالله حسيت العبرة خنقتني ما توقعت انه شي هدية
لا وكانوا طول الفترة اللي قبل يفتحون سوالف وقصص
عشان يعرفون شو بخاطري ويجيبونه
خواتي تسلمون لي والله فرحتي ما اقدر اوصفها لكم

ننتقل لموضوع هالصورة
الطقطاقة اللي اشتهرت بشكل عجييب عن الاطفال وعند عيال الحارة
والسبب الرئيسي اخوي اللي شهرها بفضلي لأني درت على كم محل لين اشتريتها له لووول
هاللعبة يمسكونها من النص ويحاولون يدقونها فوق وتحت نفس المروحة
عاد اللعبة حدها حلوة بس واااايد تعور لما تضرب على اليد
وخاصة عالعظمة آآآآآآآآي
يعني اللي يبي يلعبها انصحه يلف يده بأي شي كأنها مجبسه بس عشان ما تعوره
اسألوني حصلت كم ضربة
بس والله تقريبا اتقنتها لوول .. حتى اني اشتريت وحدة حقي خاصة لوول
الحين ننام ونقوم على هالصوت .. طق طق طق طق طق طق
واخيرا نسيت اقولكم انه سعرها بس درهمين
فمن جي لا عجب انه عيال الحارة كلهم عندهم لووول

Posted by عيون الحب :: 6:53 PM :: 7 Comments: