:: روحــانية قلب ::

Sunday, June 10, 2007

:: تعـــارف ::

من باب التعارف على بعض
حطيت اسئلة من خلالها راح نعرف بعض اكثر واكثر

شو سبب فتح المدونة؟
شو يعينك الاسم وليش اخترته؟
اذا كان اسم البلوق غير عن النيك نيم .. شو معنى النيك نيم وليش اخترته؟؟
شو لستة البلوقات المفضلة عندك .. عشان نطلع عليها
اول مدونة دخلتها وليش؟
اكثر مواضيع تلفت نظركم في اي مدونه؟
اول شي يلفتكم في اي مدونه ؟؟
لما تدخل الردود لاضافة رد في بلوق احد .. هل تقرا كل الردود؟؟
هل تدخل مدونات اعضاء من هالردود .. ومين هم اللي يلفت نظرك عشان تدخل مدونته؟

متى تضيف المدونه للفيفرت .. ومتى تضيفها في لستة المدونات في الموقع ؟؟

ببدا بأجوبتي

شو سبب فتح المدونة؟

مع كثر المدونات قلت ليش ما افتحلي انا بعد

بعدين عشان احفتظ بذكرياتي لباجر

شو يعينك الاسم وليش اخترته؟

اسم رفلكشنات وضحت سبب اختياري له في اول بوست لي في المدونة

اخترت هالاسم لاني شفت انه المدونة تعكس شخصيتي وافكاري واللي في خاطري

اذا كان اسم البلوق غير عن النيك نيم .. شو معنى النيك نيم وليش اخترته؟؟

عيون الحب اسم عمره تقريبا 6 سنوات

حبيته من زمان بسبب ربيعتي

هي ألفته وانا سرقته لوول ومن يومها صرت انا وهالاسم توم

شو لستة البلوقات المفضلة عندك .. عشان نطلع عليها

احيانا اسامة

اول مدونة دخلتها وليش؟

اول مدونة كانت مدونة استكانه

ربيعتي قالتلي عنها

اكثر مواضيع تلفت نظركم في اي مدونه؟

تعجبني المواضيع اللي تنكتب بعفوية

وبأسلوب الكاتب

ونوعا ما تكون قصصية

يعني اللي فيها اكشنات بعد تعجبني

اول شي يلفتكم في اي مدونه ؟؟

ديزاينها .. وتنسيق المواضيع اللي فيها

وبعد اسمها اذا كان غريب

لما تدخل الردود لاضافة رد في بلوق احد .. هل تقرا كل الردود؟؟

يعتمد بصراحة عالموضوع

ويعتمد على كثرة الردود .. يعني اذا اشوي ممكن اقراها

اذا كثير اقرى اللي يلفتني

هل تدخل مدونات اعضاء من هالردود .. ومين هم اللي يلفت نظرك عشان تدخل مدونته؟

يس ادخل .. اللي يلفتني اسمه او اسمها

او يلفتني الرد عالموضوع

::
متى تضيف المدونه للفيفرت .. ومتى تضيفها في لستة المدونات في الموقع ؟؟

المدونة اضيفها للفيفرت لما يتردد علي الشخص في مدونتي فأضيفها عشان اتردد على مدونته

بس في موقعي اضيفه لما تعجبني المدونه واحب دائما اتابع جديده

ناطره اجوبتكم

Posted by عيون الحب :: 8:58 PM :: 10 Comments: