:: روحــانية قلب ::

:: إجازة غيير ::

تسعة عشر سنة من عمري قضيتها في مشوار تعليمي

ابتديتها بالروضة وانتهيتها بالبكالريوس

بين كل سنة وسنة كان يتخللها صيف لمدة ثلاثة اشهر

كان يجي ويروح من غير ما انجر فيه ولا يغير فيني شي

احيد ايام دراستي كل ما يخطر في بالي شي اسويه اقول في الاجازة

وتجي الاجازة وتخلص وانا ماسويت شي واقول الاجازة اللي عقبها

وعلييييييييييييها وماحققت شي

هالمرة الاجازة غييييييييييير .. لانه مافي بعدها مشوار دراسي جديد

وما اعرف كم بيكون طولها ولا متى بتخلص

فقررت جد ابداها بعزيمة غيييييييييير

طاف من العمر كثير والله العالم كم بيبقى

في راسي مخططات كثيييييييييييرة بس لين الحين ما رتبتها

اهم شي عندي اني احسَن علاقتي بربي

أطور من نفسي

اتغلب على نقاط ضعفي

أغير من طباعي

أوسع بالي واتعلم اصبر

أغير طريقتي في التعامل

وووووو

يمكن اللستة ما تخلص

بس اهم شي اني هالمرة ناوية صدق انجز ان شاء الله واعيش اجازة غيييييييييييييييير

لاني صدق اجهل مدتها

اللهم وفقنا لما تحبه وترضاه.. اللهم أعني على ذكرك وشكرك وحسن عبادتك

Posted by عيون الحب :: 7:31 PM :: 9 Comments: